एक्सन–थ्रिलर फिल्म ‘एक्स ९’ मा अभिनेता अनमोल केसी अनुबन्धित भएका छन् । काठमाडौंको म्यारियट होटलमा शनिवार फिल्मका निर्माताको टोली र अनमोलबीच सम्झौता भएको हो ।

निर्देशक मुकुन्द भट्टले निर्देशन गर्ने उक्त फिल्मको छायांकन जनवरीबाट सुरु हुने भएको छ । फिल्ममा अनमोल शिर्ष चरित्रमा देखिनेछन् । मुकुन्द भट्ट र किंग योगीको कथा रहेको फिल्म गोल्डेन हिल्स पिक्चरको प्रस्तुतीमा निर्माण हुन लागेको हो । फिल्मको निर्मातामा राजिव तामाङ, विरेन कुँवर, सुबोध भट्ट र सोनु खत्री रहेको फिल्ममा दिनेश भट्ट कार्यकारी निर्माता रहेका छन् ।

फिल्मको छायांकन नेपालसँगै यूरोप, आबुधाबी र क्यानडामा हुने निर्माण पक्षले जनाएको छ । फिल्ममा अनमोलसँगै कलाकारहरु सौगात मल्ल, पुष्प खड्का, अनुपविक्रम शाही, राज कटुवाल लगायतको पनि अभिनय रहनेछ ।

निर्माण टिमले भिलेनको भूमिका बलिउड अभिनेता सुनील शेट्टीलाई अफर गरेको बताइएको छ । निर्माण टिम उनीसँग एग्रिमेन्ट गर्न छिट्टै भारत जान लागेको बुझिएको छ ।