स्पेनिस ला लिगा फुटबलमा रियल मड्रिडले विजयी सुरुवात गरेको छ । शनिबार राति भएको खेलमा डिपोर्टिभो अलाभेस रियलसँग ४-१ को फराकिलो अन्तरले पराजित हुन पुग्यो ।

पहिलो हाफ गोलरहित बराबरीमा सकिएको खेलमा दोस्रो हाफमा रियलले उत्कृष्ट खेल खेलेको थियो । खेलको ४८ औं मिनेटमा रियलको लागि करिम बेन्जिमाले गोल गर्दै टोलीलाईअग्रता दिलाएका थिए । त्यस्तै खेलको ५६ औं मिनेटमा नाचो फर्नान्डेजले गोल गर्दै रियलको अग्रता दोब्बर बनाए । यस्तै व्यक्तिगत दोस्रो गोल गर्ने क्रममा खेलको ६२ औं मिनेटमा बेन्जिमाको गोलबाट रियल ३-० ले अघि रह्यो ।

खेलको ६५ औं मिनेटमा जोसेलुले गोल गर्दै डिपोर्टिभोलाई ३-१ को स्थितिमा ल्याए । तर, खेलको इन्जुरी समयमा भिनिसियस जुनियरले गोल गर्दै रियललाई ४-१ को फराकिलो जित दिलाए । जितसँगै रियलले स्पेनिस ला लिगामा सु:खद सुरुवात गरेको छ भने डिपोर्टिभोले हारबाट सिजनको सुरुवात गरेको छ ।