स्थानीय बजारमा पहेँलो धातुको मूल्य आज (सोमबार) रु २०० ले उकालो लागेको छ । तोलामा ३०० रुपैयाँ घट्दै रु ९० हजार ९०० मा आइतबार कारोवार भएको छापावाला सुन आज भने तोलाको रु ९१ हजार १०० मूल्य निर्धारण भएको हो ।

यस्तै तेजाबी सुन आइतबार तोलामा रु ९० हजार ४०० मा कारोवार भएकामा आजका लागि भने रु ९० हजार ६०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ । यसैगरी चाँदीको मूल्य भने आइतबारको मूल्य भन्दा १० रुपैयाँ बढ्दै तोलाको रु १ हजार १९० मा कारोवार भएको छ ।

केही दिन यता नेपाली बजारमा सुनचाँदीको मूल्य घटबढ हुँदै आएको छ ।