काराबाओ कप फुटबल अन्तर्गत बुधबार राति भएको खेलमा आर्सनल विजयी भएको छ । गए राति भएको खेलमा वेस्ट ब्रुम आर्सनलसँग ६-० को फराकिलो अन्तरले पराजित भयो ।

एकतर्फी बनेको खेलमा आर्सनलको लागि पिएरे एम्रिक औबामियाङले ह्याट्रिक गोल गरे भने निकोलस पेपे, बुकायो साका र एलेक्सजेन्ड्र लाकाजेटको नाममा समान १-१ गोल रह्यो । जितसँगै आर्सनल काराबाओ कप फुटबलको तेस्रो चरणमा प्रवेश गरेको छ ।

त्यस्तै काराबाओ कप फुटबल अन्तर्गत नै भएको अन्य खेलमा साउथह्याम्पटनले न्युपोर्ट काउन्टीलाई ८-० गोल अन्तरले पराजित गर्दै तेस्रो चरणमा प्रवेश गरेको छ भने न्युकासल बर्नलीसँग पेनाल्टीमा ४-३ ले पराजित भएको छ । जितसँगै बर्नलीले पनि तेस्रो चरणमा आफ्नो स्थान सुरक्षित गरेको छ ।