नवकान्तिपुर संवाददाता
काठमाडौं, ११ भदौ ।
युरोपा कन्फरेस लिग (इसिएल) अन्तर्गत बिहीबार राति भएको खेलमा इंग्लिस क्लब टोटेनहमले पोर्चुगलको पाकोस डि फेरेइरालाई पराजित गर्दै समूह चरणमा आफ्नो स्थान सुरक्षित गरेको छ ।
गएराति भएको इसिएलको प्ले अफ छनोटको दोस्रो लेगमा टोटेनहमले पाकोस डि फेरेइरालाई ३-० ले पराजित गर्दै समग्रमा ३-१ को जित सहित समूह चरणमा पुगेको हो । पहिलो लेगमा १-० ले पराजित भएको टोटेनहम दोस्रो लेगमा उत्कृष्ट पुनरागमन गर्दै जित दर्ता गरेको हो । टोटेनहमको घरेलु मैदानमा भएको खेलमा खेलको नवौं मिनेटमा ह्यारी केनले गोल गर्दै घरेलु टोलीलाई अग्रता दिलाएका थिए । त्यस्तै व्यक्तिगत दोस्रो गोल गर्ने क्रममा केनले खेलको ३५ औं मिनेटमा गोल गर्दै टोटेनहमको अग्रता दोब्बर बनाए ।
पहिलो हाफ २-० मा सकिएको खेलमा दोस्रो हाफको ७० औं मिनेटमा फेरेइराका जियोभानी लो सेल्सोले आत्मघाती गोल गर्दै टोटेनहमलाई ३-० को सहज जित दिलाए ।
यो पनि पढ्नुस :
