नवकान्तिपुर संवाददाता
काठमाडौं, १३ भदौ ।
नेकपा (एमाले) का उपाध्यक्ष डा. भीम बहादुर रावलले भारतीय सत्तारूढ दल भारतीय जनता पार्टीका विदेश विभाग प्रमुख डा. विजय चौथाईवालाको नेपाल भ्रमणको क्रममा नेताले राष्ट्रिय हितमा के कुरा गरेछन् ? भनेर जनतालाई जानकारी गराउनुपर्ने बताएका छन् ।
आज (आइतबार)एक ट्विट गर्दै रावलले कूटनीतिक मर्यादाको सीमा नाघेर भाजपाका नेता चौथाइवालेसँग भेटवार्ता गरेको कुराकानीको विषयमा जनतालाई जानकारी गराउनुपर्ने बताएका हुन् । भाजपाका विदेश विभाग प्रमुख चौथाईवालेले हालै नेपाल भ्रमण गरेका थिए ।
रावलले ट्विटमा लेखेका छन् ,‘कूटनीतिक मर्यादाको सीमा नाघेर भाजपाका नेता चौथाइवालेसंग भेटवार्ता गर्ने कुनकुन नेपाली नेताले महाकालीमा तुइन खुस्काएर जयसिंह धामीको हत्या गर्ने भारतीय सुरक्षाकर्मीलाई कारबाही गर्ने विषय उठाएछन् र राष्ट्रिय हितका के कुरा गरेछन्,जनतालाई जानकारी गराउने नैतिक जिम्मेवारीबोध गर्ने कि?”
रावलको ट्विट :
