क्रिस्टियानो रोनाल्डो इंग्लिस क्लब म्यानचेस्टर युनाईटेडमा अनुबन्धित भएका छन् । पोर्चुगिज फरवार्ड रोनाल्डोलाई युनाईटेडले दुई वर्षको लागि अनुबन्ध गरेको हो ।

३६ वर्षीय रोनाल्डो १२ वर्षपछि युनाईटेडमा फर्किएका हुन् । सन् २००३ देखि २००९ सम्म युनाईटेडबाट खेलेका रोनाल्डोले २९२ खेलमा ११८ गोल गरेका थिए । रोनाल्डोले युनाइटेडलाई तीन प्रिमियर लिग र एक च्याम्पियन्स लिगको उपाधि दिलाउन विशेष भूमिका खेलेका थिए ।

युनाईटेड पछि २००९ मा स्पेनिस क्लब रियल मड्रिडमा अनुबन्धन भएका रोनाल्डो २०१८ मा युभेन्ट्स आएका थिए । यस्तै रोनाल्डोलाई सम्झौता थप गर्ने विकल्प दिईएको समेत युनाईटेडले जनाएको छ । रोनाल्डोलाई युनाइटेडले युभेन्टसबाट २ करोड ८० लाख युरोमा किनेको हो ।