नवकान्तिपुर संवाददाता
काठमाडौं, २५ भदौ ।
स्थानीय बजारमा पहेँलो धातुको मूल्य आज (शुक्रबार) १०० रुपैयाँले उकालो लागेको छ । बिहीबार १०० रुपैयाँ घट्दै रु ९० हजार ६०० मा कारोवार भएको छापावाला सुनको मूल्य आज भने रु ९० हजार ७०० मा कारोवार भएको हो ।
त्यस्तै तेजाबी सुन बिहीबार रु ९० हजार १०० मा कारोवार भएकामा आजका लागि भने रु ९० हजार २०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ । यसैगरी चाँदीको मूल्य बिहीबारको मूल्य भन्दा ५ रुपैयाँ घट्दै तोलाको रु १ हजार २१५ मा कारोवार भएको छ ।
केही दिन यता नेपाली बजारमा सुनचाँदीको मूल्य घटबढ हुँदै आएको छ ।
