जर्मन बुन्डेस लिगा फुटबलमा बायर्न म्युनिख विजयी भएको छ । शनिबार राति भएको खेलमा आरबी लाइपजिग बायर्नसँग ४-१ ले पराजित हुन पुग्यो ।

लाइपजिगको घरेलु मैदानमा भएको एकतर्फी खेलमा खेलको १२ औं मिनेटमा रोबर्ट लेवान्डोस्कीले पेनाल्टीबाट गोल गर्दै बायर्नलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफको ४७ औं मिनेटमा जमल मुसिआलाले गोल गर्दै टोलीको अग्रता दोब्बर बनाए । खेलको ५४ औं मिनेटमा लोरी सानेको गोल मार्फत बायर्नले ३-० ले अघि रह्यो ।

त्यस्तै, खेलको ५८ औं मिनेटमा कोर्नार्ड लिमेरले गोल गर्दै लाइपजिगलाई ३-१ को स्थितिमा ल्याए । तर, दोस्रो हाफको इन्जुरी समयमा एरिक म्याक्सिमले गोल गर्दै बायर्नलाई ४-१ को सहज जित दिलाए । जितसँगै बायर्न ४ खेलमा १० अंक जोड्दै तालिकाको दोस्रो स्थानमा छ भने ३ अंक जोडेको लाइपजिग १३ औं स्थानमा रहेको छ।