भर्खरै रिलिज भएको फिल्म ‘थलाइवी’ को सफलता मनाइरहेकी बलिउड अभिनेत्री कंगना रनौतले आफ्ना प्रशंसकहरुलाई एउटा नयाँ खुसीको खबर दिएकी छिन् ।

कंगना रनौतले सामाजिक सञ्जालमा आफ्नो आगामी फिल्मको घोषणा गरे जसमा उनी सीताको भूमिकामा देखिनेछिन् । कंगना रनौतले फिल्मको पोस्टर सेयर गर्दै यसबारे जानकारी दिएकी हुन् । कंगना रनौतले फिल्मको टिमलाई धन्यवाद दिँदै आफ्नो पोस्टमा लेख्छिन्, ‘यो पर्दामा यो महान चरित्र खेल्नु मेरो सौभाग्य हो ।’

यसअघि फिल्म निर्माण पक्षले सीताको भूमिकामा करिना कपूरलाई प्रस्ताव गरिएको थियो । तर, करिनाले आफूले यसको पारिश्रमिक १२ करोड रुपैयाँ लिने भनेपछि निर्माण पक्ष पछि हटेको थियो ।