बहुपति प्रथामा आधारित चलचित्र ‘टुल्की’को ‘फस्ट लुक’ तथा ‘ट्रिजर’ सार्वजनिक भएको छ । ‘द पाल्म ग्रुपद्वारा’ निर्माण गरिएको चलचित्रमा लक्ष्मण सुनारको कथा, देव जंग थापाको छायाँकन तथा निर्देशन रहेको छ ।

‘टुल्की’ मा डोल्पाको तल्लो भेगमा रहेको ब्राह्मण बस्तीमा हुर्किएकी चेली र माथिल्लो डोल्पाको शेर्पा समुदायमा हुर्केका केटा बीचको प्रेम सम्बन्धलाई उजागर गरिएको छ । चलचित्रमा शिशिर वाङदेल, स्वस्तिमा कार्की, नरेन्द्र तामाङ, सोम लामा, शेखर लामा, सौजन सुब्बा, सोफिया लिम्बु, दीर्घ लामा, भक्तसिंह कठायत लगायतको अभिनय रहेको छ ।

यो चलचित्र निर्माणका लागि झण्डै चार वर्ष अनुसन्धान गर्नुपरेको र अहिलेसम्म ९० लाख रुपैयाँ बढी लगानी भएको निर्माण पक्षले जनाएको छ । चलचित्रमा सन्जिव लिम्बुको संगीत, तारा थापा ‘किम्भे’को सम्पादन छ । निर्माण टिमका अनुसार यो चलचित्र नेपालमा भन्दा पहिले विभिन्न देशमा प्रदर्शन गरिने छ ।

ट्रिजर –