स्थानीय बजारमा पहेँलो धातुको मूल्य आज (आइतबार ) स्थिर रहेको छ । शुक्रबार एक हजार ४०० रुपैयाँले घट्दै तोलामा रु ८९ हजार १०० मा कारोवार भएको सुनको मूल्य आज पनि सोही मूल्यमा कारोवार भएको हो ।

त्यस्तै तेजाबी सुन पनि शुक्रबारकै मूल्य अनुसार रु ८८ हजार ६५० नै निर्धारण भएको नेपाल सुनचाँदी व्यवसायी महासङ्घले जनाएको छ । यसैगरी चाँदीको मूल्य शुक्रबारको मूल्य भन्दा २० रुपैयाँ घट्दै तोलाको रु १ हजार १५० मा कारोवार भएको छ ।

केही दिन यता नेपाली बजारमा सुनचाँदीको मूल्य घटबढ हुँदै आएको छ ।