हाँस्यकलाकार रमेश केसीको निधन भएको छ । ६९ वर्षीया केसीको आज (आइतबार) सुटिङकै क्रममा निधन भएको हो ।

एक म्युजिक भिडियो सुटिङको क्रममा एक्कासी ढलेका केसीलाई उपचारको लागि गंगालाल हृदयरोग केन्द्रमा पुर्याइएको थियो । तर, अस्पतालले उनलाई मृत घोषणा गरेको थियो । उनको हृदयघातका कारण निधन भएको कलाकारले बताएका छन् । लामो समयदेखि उनी मुटु सम्बन्धी समस्याबाट पीडित रहेका थिए । उनको आजै पशुपति आर्यघाटमा अन्त्येष्टि गरिँदैछ ।

म्युजिक भिडियो, टेलिसिरियल र फिल्मसमेत अभिनय गरेका केसीले हर्के हवल्दार, तितो सत्य, एकादेशको चुरीफुरी, लगायतका सिरियलमा काम गरेका छन् । कलाकार केसीका २ छोरा, ३ छोरी र श्रीमती छन् ।