स्थानीय बजारमा पहेँलो धातुको मूल्य आज (सोमबार) २०० रुपैयाँले ओरालो लागेको छ । आइतबार स्थिर रहदै रु ८९ हजार १०० मा कारोवार भएको सुनको मूल्य आज तोलामा रु ८८ हजार ९०० मा कारोवार भएको हो ।

त्यस्तै तेजाबी सुन आइतबार स्थिर रहदै रु ८८ हजार ६५० कारोवार भएकोमा आजका लागि भने रु ८८ हजार ४५० निर्धारण भएको नेपाल सुनचाँदी व्यवसायी महासङ्घले जनाएको छ । यसैगरी चाँदीको मूल्य आइतबारको मूल्य भन्दा १५ रुपैयाँ घट्दै तोलाको रु १ हजार १३५ मा कारोवार भएको छ ।

केही दिन यता नेपाली बजारमा सुनचाँदीको मूल्य घटबढ हुँदै आएको छ । तोलामा शुक्रबार एकैदिन १४ सय रुपैयाँले घटेर सुन रु ८९ हजार १०० रुपैयाँमा कारोबार भएको थियो ।