चलचित्र ‘राधा : द सेक्रेट्स अफ राधा’ को फस्ट लुक सार्वजनिक गरिएको छ । सामाजिक सञ्जालमार्फत निर्देशक तथा निर्माता सुवर्ण थापाले ‘राधा’ को फस्ट लुक सार्वजनिक गरेका हुन् ।

पोस्टरमा केवल नायिका सृष्टि श्रेष्ठलाई मात्र देखाइएको छ । नरेन्द्र मैनालीको छायाङ्कन र कालीप्रसाद बाँस्कोटाको संगीत रहेको चलचित्रमा सृष्टि सहित सौगात मल्ल, खगेन्द्र लामिछाने, मेनुका प्रधान, पशुपति राई, दिव्यदेव पन्त, पुस्कर गुरुङलगायत कलाकारको पनि अभिनय छ । त्यस्तै चलचित्रमा अभिनेता दयाहाङ राई र निश्चल बस्नेत समेत विशेष भूमिकामा रहेका छन् ।

निषेधाज्ञापछि छायाँकन भएको चलचित्र आदियोगी भिजन, मण्डला अनलाइन, महारानी इन्टरटेनमेन्टको र महा प्रोडक्सनको ब्यानरमा बनेको हो ।