‘द भ्वाइस अफ नेपाल’ को तेस्रो संस्करणका विजेता किरण गजमेरलाई नेपाल प्रवेशमा रोक लगाइएको छ । उनको भिसाको म्याद सकिएकाले अध्यागमन कार्यालयले उनलाई त्रिभुवन विमानस्थलबाट फर्काइदिएको हो ।

भुटानी शरणार्थीका रुपमा नेपाल आएका गजमेर पछिल्लो समय अमेरिकामा बसोबास गर्छन् । उनी अमेरिकी नागरिक भइसकेकाले नेपालको भिसा लगाएर भ्वाइस अफ नेपालमा भाग लिन आएका थिए । तर, उनको भिसाको म्याद गुज्रिसकेको अध्यागमन कार्यालयले जनाएको छ ।

विदेशीहरु नेपालमा जम्मा १५० दिन मात्र बस्न पाउने भएपनि गजमेर टुरिस्ट भिसामा नेपाल आएर २७० दिन बसेका थिए । गजमेर भिसा अवधिभन्दा १३० दिन बढी बसेको पाइएपछि त्रिभुवन विमानस्थलमा उनलाई अध्यागमनले सोधपुछ गरेको थियो । अध्यागन नियमअनुसार गजमेर अब सन् २०२२ को जनवरीमा मात्र नेपाल आउन पाउनेछन् ।