नवकान्तिपुर संवाददाता
काठमाडौं, २३ असाेज ।
नवनियुक्त सहरी विकास मन्त्री रामकुमारी झाँक्रीले सिंहदरबारस्थित मन्त्रालयमा पुगेर कार्यभार सम्हालेकी छन् । राष्ट्रपति कार्यालय शितलनिवासमा शपथ लिएपछि मन्त्रिपरिषद् बैठकमा सहभागी भएर झाँक्रीले कार्यभार सम्हालेकी हुन् ।
पदभारपछि आयोजित कार्यक्रममा मन्त्री झाँक्रीले सहरी विकासको क्षेत्रमा देखिएका नीतिगत समस्याहरू समस्याहरू समाधान गर्ने बताइन् । उनले सहरीकरणलाई व्यवस्थित गर्न अहिलेको अवस्थाका विकासका योजनाहरूलाइ परिवर्तन गर्नुपर्ने धारणा राखिन् ।
सहरी विकासको अवधारणालाई एकीकृत रूपमा अघि बढाउनुपर्ने उनको भनाइ छ । शुक्रबार मन्त्रीमा नियुक्त भएलगत्तै उनले सिंहदरबार पुगेर कार्यभार संहालेकी हुन् ।
