नवकान्तिपुर संवाददाता
काठमाडौं, २६ असोज ।
आईसीसी प्लेयर अफ द मन्थ अवार्ड सन्दीप लामिछानेले जितेका छन् । नेपालका लेस स्पिनर सन्दीपले पुरुषतर्फ सेप्टेम्बर महिनाका लागि प्लेयर अफ द मन्थको अवार्ड जितेका हुन् ।
बंगलादेशका नासुम अहमद र अमेरिकाका जसकरण मलहोत्रालाई पछि पर्दै सन्दीपले अवार्ड जितेका हुन् । आईसीसी क्रिकेट विश्वकप लिग-२ को ६ खेल खेल्दै १८ विकेट लिएका सन्दीप उक्त अवार्डको लागि मनोनयनमा परेका थिए । उनले मतको आधारमा अवार्ड जितेका हुन् ।
त्यस्तै महिलातर्फको अवार्ड भने इंग्ल्यान्डकी कप्तान हिथर नाईटले जितिन् ।
