आईसीसी टी-ट्वान्टी विश्वकप क्रिकेट आज (आइतबार)बाट सुरु हुँदैछ । युएई र ओमानले संयुक्त रुपमा आयोजना गरेको खेलमा आज दुई खेलहरु हुनेछ ।

विश्वकप क्रिकेट अन्तर्गत आज पहिलो चरण अन्तर्गतका दुई खेलहरु हुनेछन् । पहिलो खेलमा दिउँसो ३:४५ बजे ओमान र पपुवाबीच ओमानको अल अमारतमा मैदानमा भिड्द छन् भने दोस्रो खेलमा बंगलादेश र स्कटल्याण्डबीचको खेल साँझ ७:४५ बजे सुरु हुनेछ ।

विश्वकपको पहिलो चरणमा ८ टोली समावेश रहेका छन्। जसमा बंगलादेश, श्रीलंका, आयरल्याण्ड, नेदरल्याण्ड्स, स्कटल्याण्ड्स, नामिबिया, ओमान र पपुवा न्युगिनी भिड्नेछन् । यी मध्ये शीर्ष चार टिम सुपर १२ मा प्रवेश गर्नेछन् । सुपर-१२ को समूह २ मा भारत र पाकिस्तान न्युजिल्याण्ड, अफगानिस्तान र पहिलो चरणको समूह ‘बी’ को विजेता र समूह ‘ए’ को उपविजेता समावेश हुने छन् ।

यस्तै समूह १ मा इंग्ल्यान्ड, अष्ट्रेलिया, दक्षिण अफ्रीका,वेस्ट इन्डिज सहित पहिलो चरणको समूह ‘ए’ को विजेता र समूह ‘बी’ को उपविजेता यस समूहमा हुनेछन् ।