नवकान्तिपुर संवाददाता
काठमाडौं, २ कात्तिक ।
नेकपा (एकीकृत समाजवादी) पार्टीका अध्यक्ष माधवकुमार नेपालले अविरल वर्षाका कारण सुदूरपश्चिम प्रदेशसहित देशका विभिन्न स्थानमा आएको बाढीप्रति सरकारको ध्यानाकर्षण गराएका छन्।
उनले तटीय क्षेत्रका सयौं घर डुबानमा परेको र किसानले लगाएको तरकारी र धानबाली नष्ट भएकोप्रति सरकारको ध्यानाकर्षण गराएका हुन्।
जोखिमयुक्त क्षेत्रका बासिन्दालाई तत्काल सुरक्षित स्थानमा सार्न र उद्धार तथा राहतका लागि सरकार एवं सम्बन्धित निकायको ध्यानाकर्षण गराउँदै सम्पूर्ण पार्टीपंक्तिलाई उद्धार र राहतको काममा परिचालित हुन उनले अनुरोध गरेका छन्।
