नवकान्तिपुर संवाददाता
काठमाडौं, ४ कार्तिक ।
नेकपा एमालेका उपाध्यक्ष भीम रावलले १० बुँदे सहमति ‘एकतारे’ होइन पार्टी एकता बचाएर देशहितको लागि बजाइएको ११ तारे विगुल रहेको बताएका छन् । बुधबार एक ट्विट गर्दै उनले यस्तो बताएका हुन् ।
अध्यक्ष केपी शर्मा ओलीले बागमती प्रदेशले बुधबार आयोजना गरेको कार्यक्रममा १० बुँदे सहमतिको एकतारे ट्याङट्याङ नबजाउन भनेपछि रावलले त्यसको प्रतिवाद गरेका हुन् । उनले ओलीको अभिव्यक्तिप्रति आपत्ति जनाएका हुन् ।
रावलले ट्विटरमा लेखेका छन्, ‘१० बुँदे सहमति ‘एकतारे’ होइन पार्टी एकता बचाएर देशहितको लागि बजाइएको ११ तारे विगुल हो । यसको धुन संस्थागत भइसकेको छ । सबैले ठण्डा दिमागले सुन्नु स्वास्थका लागि लाभदायक छ ।’
रावलको ट्विट :
