नेपाली बजारमा आज (शुक्रबार) सुनको मूल्य स्थिर रहेको छ । बिहीबार प्रतितोला ३०० रुपैयाँले बढेर छापावाल सुन हिजो प्रतितोला ९१ हजार ७०० रुपैयाँमा कारोबार भएको थियो ।

नेपाल सुन चाँदी व्यवसायी महासंघले सार्वजनिक गरेको तथ्यांक अनुसार आज छापावाल सुनको मूल्य बिहीबारकै मूल्य अनुसार प्रतितोला ९१ हजार ७०० रुपैयाँ तोकिएको छ । त्यस्तै तेजाबी सुनको मूल्य प्रतितोला ९१ हजार २०० कायम गरिएको छ, जुन बिहीबारकै मूल्य हो ।

महासंघका अनुसार चाँदीको मूल्य भने बिहीबारको मूल्य भन्दा १० रुपैयाँ घट्दै प्रतितोला १ हजार १५० रुपैयाँमा कारोवार भएको छ । अन्तर्राष्ट्रिय बजारमा हुने सुनचाँदी कारोबार मूल्यका आधारमा नेपालमा महासंघले सुन तथा चाँदीको मूल्य तोक्ने गर्दछ ।