एएफसी यू -२३ एसियन कप छनोट अन्तर्गतको पहिलो खेलमा आज (सोमबार) नेपालले इरानको सामना गर्दैछ । ताजिकिस्तानको रिपब्लिकन सेन्ट्रल स्टेडियममा हुने खेल नेपाली समय अनुसार साँझ ५:४५ बजे हुनेछ ।

एसियन कप छनोटको समूह ‘बी’ मा रहेको नेपालको समूहमा लेबनान, इरान र ताजिकिस्तान रहेका छन् । एसियन कप छनोट अन्तर्गत पहिलो खेल आज इरानसँग खेल्दैछ भने दोस्रो खेलमा ताजिकिस्तानसँग अक्टोबर २८ र अन्तिम खेल लेबनानसँग अक्टोबर ३१ मा खेल्ने छ । एसियन कप छनोटमा इरानसँग दोस्रो पटक खेल्न लागेको नेपालले यू-२३ यसअघि भएको खेलमा इरानसँग ५-० ले पराजित भएको थियो ।

११ समुहमा रहेको छनोटका शीर्ष टोली सहित दोस्रो स्थानमा रहेका उत्कृष्ट चार टोलीले एएफसी यू –२३ एसियन कप खेल्नेछन् । फाइनल चरणको प्रतियोगिता सन् २०२२ को जुन १ देखि १९ सम्म उज्वेकिस्तानमा आयोजना हुँदैछ।