पूर्वयुवराज पारस शाहसँग कमेडी च्याम्पियन–२ का विजेता भरतमणि पौडेलले भेट गरेका छन् । पौडेलले सामाजिक सञ्जालमा पारससँग भेट भएको तस्बिर सार्वजनिक गरेका हुन् ।

पारससँग यस अघि नै भेट गरेका पौडेलले तस्बिर भने आज (मंगलबार) मात्र सार्वजनिक गरेका छन् । त्यस्तै उनले पूर्वयुवराज शाह निकै रमाइलो भएको र शुक्रबार अपराह्न ५ बजेतिर शेर्पा मलस्थित ओपनियन रेस्टुरेन्टमा भेट भएको जानकारी दिए । पूर्वयुवराज पारस शाहकै क्यारिकेचर गरेर चर्चामा आएका पौडेलले पारसले भेट्ने वित्तिकै आफूलाई ‘फन्नी फन्नी किप इन टच’ भनेको बताए ।

उनीहरुबीच करिव एक घण्टा कुराकानी भएको थियो । पौडेलले भने ‘साँझ ५ बजेदेखि एक घन्टा बस्यौं, उहाँले मेरो भिडियो हेर्नु भएको रहेछ, एकदम रमाइलो लाग्यो भन्नुभयो ।’ पौडेल सहित सुमन कोइरालाले पनि पारसलाई भेट गरेका थिए ।