टी-२० वरीयतामा नेपाल एक स्थान माथि उक्लिएको छ । अन्तराष्ट्रिय क्रिकेट परिषद (आईसीसी) ले आज (सोमबार)सार्वजनिक गरेको नयाँ वरीयतामा नेपाल १३ औं स्थानमा रहेको हो ।

यस अघि नेपाल वरीयताको १४ औं स्थानमा रहेको थियो । त्यस्तै आईसीसीले सार्वजनिक गरेको टी-२० को नयाँ वरीयताको शीर्ष स्थानमा इंग्ल्यान्ड, दोस्रोमा पाकिस्तान र तेस्रोमा भारत रहेको छ भने न्युजिल्याण्ड चौंथो र दक्षिण अफ्रिका पाँचौं स्थानमा रहेका छन् ।

यस्तै एकदिवसीय वरीयतामा भने नेपाल १६ औं स्थानमै यथावत रहेको छ । यस अघि पनि नेपाल १६ औं स्थानमै रहेको थियो ।