आईसीसी टी–ट्वान्टी विश्वकप क्रिकेट अन्तर्गत सेमिफाइनलका खेलहरु आज(बुधबार) बाट सुरु हुँदैछ । आज हुने पहिलो सेमिफाइनलमा इंग्ल्यान्ड र न्युजिल्यान्ड भिड्दैछन् ।

अबुधाबीमा हुने खेल नेपाली समय अनुसार राति पौने ८ बजे सुरु हुनेछ । इंग्ल्यान्ड समूह १ को विजेता र न्युजिल्यान्ड समूह २ को उपविजेता बन्दै अन्तिम चारमा पुगेका हुन् । समूह चरणमा ५ खेलमा ४ जित सहित ८ अंक जोडेको इंग्ल्यान्ड समूहको विजेता बनेको थियो भने ५ खेलमा ८ अंक नै बटुलेको न्युजिल्यान्ड उपविजेता बनेको थियो ।

जारी टी–ट्वान्टी विश्वकपमा उत्कृष्ट खेल प्रर्दशन गरेको छ भने लयमा रहेको न्युजिल्याण्डले भने समूह चरणमा पाकिस्तानसँग पराजित भएको थियो । त्यस्तै टी–२० विश्वकपको दोस्रो सेमिफाइनलमा भोलि (बिहिबार) पाकिस्तान र अष्ट्रेलिया आमने सामने हुँदै छन् ।

फोटो – Cricketnmore.com बाट