गायन रियालिटी शो ‘द भ्वाइस किड्स’ आज(शुक्रबार)बाट सुरु हुँदैछ । ‘द भ्वाइस अफ नेपाल’ले चर्चा पाएसँगै बालबालिकाको प्रतिभालाई उजागर गर्न ‘द भ्वाइस किड्स’ सुरु हुन लागेको हो ।

यस रियालिटी शो मा ६ देखि १४ वर्षका बच्चाहरुको सहभागिता रहनेछ । कार्यक्रम शुक्रबार र शनिबार बेलुकी ८ बजेपछि हिमालय टीभी एचडीमा प्रसारण हुनेछ । यसैबीच हिजो बिहीबार यस रियालिटी शोको चावहिलस्थित एफक्यूब हलमा प्रिमियर गरिएको थियो ।

उक्त प्रिमियर शो मा सबैले राम्रो प्रतिक्रिया दिएका थिए । ‘द भ्वाइस किड्स’ को ‘ब्लाइन्ड अडिसन’ आज बाट शुरु हुनेछ । २० भागमा प्रसारण हुने शोको ‘ब्लाइन्ड अडिसन’ पछि ‘ब्याटल राउन्ड’ हुनेछ । शोमा राजु लामा, प्रमोद खरेल, प्रविशा अधिकारी र मिलन नेवार कोचको रुपमा रहेका छन् ।