नेपालमा आज(सोमबार ) सुनको मूल्य प्रतितोला रु ३०० ले घटेको छ । स्थानीय बजारमा आज छापावाल सुनको मूल्य प्रतितोला रु ९४ हजार ३०० तोकिएकामा आइतबार प्रतितोला रु ९४ हजार ६०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९३ हजार८ ०० रहेकामा आइतबार प्रतितोला रु ९४ हजार १०० मा कारोबार भएकोे थियो । यसैगरी आज चाँदीको मूल्य आइतबार मूल्य भन्दा रु १५ रुपैयाँ घट्दै एक हजार २८० मा कारोबार भएको छ । आइतबार चाँदी प्रतितोला रु एक हजार २९५ मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।