नेपालमा आज(मंगलबार) सुनको मूल्य प्रतितोला रु ५०० ले बढेको छ । स्थानीय बजारमा आज छापावाल सुनको मूल्य प्रतितोला रु ९४ हजार ८०० तोकिएकामा सोमबार प्रतितोला रु ९४ हजार ३०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९४ हजार ३०० रहेकामा सोमबार प्रतितोला रु ९३ हजार ८०० मा कारोबार भएकोे थियो । यसैगरी आज चाँदीको मूल्य सोमबारको मूल्य भन्दा रु १० रुपैयाँ बढ्दै एक हजार २९० मा कारोबार भएको छ । सोमबार चाँदी प्रतितोला रु एक हजार २८० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।