इंग्लिस प्रिमियर लिग फुटबलमा टोटेनहम विजयी भएको छ । आइतबार राति भएको खेलमा लिड्स युनाईटेड टोटेनहमसँग २-१ ले पराजित हुन पुग्यो ।

निकै प्रतिस्पर्धात्मक बनेको खेलमा खेलको ४४ औं मिनेटमा ड्यानियल जेम्सले गोल गर्दै लिड्सलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफको ५८ औं मिनेटमा टोटेनहमका पिएरे इमिलले गोल गर्दै खेललाई बराबरीमा ल्याए । तर, खेलको ६९ औं मिनेटमा सेर्जियो रेगुइलोनले गोल गर्दै टोटेनहमलाई २-१ को जित दिलाए ।

जितसँगै टोटेनहम१२ खेलमा १९ अंक जोड्दै तालिकाको सातौं स्थानमा छ भने ११ अंक जोडेको लिड्स १६ औं स्थानमा रहेको छ ।