इटालियन सिरी ‘ए’ फुटबलमा युभेन्ट्स विजयी भएको छ । मंगलबार राति भएको खेलमा सालेरनिटाना युभेन्ट्ससँग २-० ले पराजित हुन पुग्यो ।

खेलको २१ औं मिनेटमा युभेन्ट्सका पाउलो डिबालाले गोल गर्दै युभेन्ट्सलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफमा युभेन्ट्सले थप १ गोल गर्यो । खेलको ७० औं मिनेटमा अल्भारो मोराटाले गोल गर्दै युभेन्ट्सलाई २-० को सहज जित दिलाए ।

त्यस्तै दोस्रो हाफको इन्जुरी समयमा पाएको पेनाल्टीमा डिबालाले गोल गर्न नसक्दा अगता बढाउने अवसर खेर फालेका थिए । उनको प्रहार पोस्ट भन्दा बाहिर गएको थियो । जितसँगै युभेन्ट्स १५ खेलमा २४ अंक जोड्दा सातौं स्थानमा छ भने ८ अंक जोडेको सालेरनिटाना तालिकाको पुछारमा रहेको छ ।