एट्लेटिको मड्रिड स्पेनिस ला लिगा फुटबलमा पराजित भएको छ । शनिबार राति भएको खेलमा एट्लेटिको मालोर्कासँग २-१ ले पराजित हुन पुग्यो ।

एट्लेटिको मड्रिडको घरेलु मैदानमा भएको निकै प्रतिस्पर्धात्मक खेलमा सुरुवाती अग्रता जोगाउन नसक्दा एट्लेटिको मड्रिड पराजित भएको हो । पहिलो हाफ गोलरहित बराबरीमा सकिएको खेलमा दोस्रो हाफको ६८ औं मिनेटमा माथ्युएस कुन्हाले गोल गर्दै घरेलु टोलीलाई अग्रता दिलाएका थिए । तर, खेलको ८० औं मिनेटमा मालोर्काका फ्रान्को रुस्सोले गोल गर्दै खेललाई बराबरीमा ल्याए ।

त्यस्तै खेलको इन्जुरी समयमा ताकेफुसा कुबोले गोल गर्दै मोलार्कालाई २-१ को जित दिलाए । हारसँगै एट्लेटिको २९ अंक जोड्दै तालिकाको चौंथो स्थानमा रहेको छ भने १९ अंक जोडेको मोलार्का १२ औं स्थानमा रहेको छ ।