नेपालमा सोमबार स्थिर रहेको सुनको मूल्य आज(मंगलबार) रु २०० ले घटेको छ । स्थानीय बजारमा आज छापावाल सुनको मूल्य प्रतितोला रु ९१ हजार ८०० रहेकोमा सोमबार रु ९२ हजारमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य अनुसार प्रतितोला रु ९१ हजार ३०० रहेकामा सोमबार प्रतितोला रु ९१ हजार ५०० मा कारोबार भएकोे थियो । यसैगरी आज चाँदीको मूल्य भने सोमबारको मूल्य भन्दा १० रुपैयाँ घट्दै एक हजार १९० मा कारोबार भएको छ । सोमबार चाँदी प्रतितोला रु एक हजार २०० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।