नवकान्तिपुर संवाददाता
काठमाडौं, २३ मंसिर ।
नेपालमा आज(बिहीबार) सुनचाँदीको मूल्य स्थिर रहेको छ । स्थानीय बजारमा आज छापावाल सुनको मूल्य बुधबारकै मूल्य अनुसार प्रतितोला रु ९२ हजार ३०० मा कारोबार भएको हो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य पनि बुधबारकै मूल्य अनुसार प्रतितोला रु ९१ हजार ८०० मा कारोबार भएकोे छ । यसैगरी आज चाँदीको मूल्य पनि स्थिर रहँदै हिजो बुधबारकै मूल्य मा कारोबार भएको छ । बुधबार चाँदी प्रतितोला रु एक हजार २०० मा कारोबार भएको थियो ।
महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।
