हाँस्य कलाकार विल्सन विक्रम राई ‘तक्मे बुढा’ छोरीको बुबा बनेका छन् । आज (बिहीबार) बिहान झापाको विर्तासिटी अस्पतालमा राईकी श्रीमती सरिना लामाले छोरीलाई जन्म दिएकी हुन् ।

नेपाली हाँस्य क्षेत्रमा ‘मेरी बास्सै’ टेलिसिरियलबाट विल्सन ‘तक्मे बुढा’को नामबाट परिचित भएका हुन् । उनले छोरीको नाम सभ्यता बी राई राखेको र छोरीको तौल ३ केजी रहेको जानकरी दिए । विल्सनका दुई वर्षका छोरा पनि छन् ।

छोरी जन्मिएपछि खुशी बाँड्दै विल्सनले आफ्नो सामाजिक संजालमा लेखेका छन्, ‘आज हाम्रो परिवारको नयाँ सदस्यको शुभ आगमन भो मलाई छोरीको बाबु र मेरो जिवनसाथी लाई छोरीको आमा बन्ने सौभाग्य प्राप्त भो औधी भाग्यमानी ठानेको छु । मेरो छोरी सभ्यता बि राई स्वागत शुभ आशिर्वाद !’