इङ्लिस प्रिमियर लिग फुटबलमा म्यानचेस्टर युनाईटेड विजयी भएको छ । शनिबार राति भएको खेलमा म्यानचेस्टर युनाईटेडले नर्विच सिटीलाई १–० ले पराजित गरेको हो ।

पहिलो हाफ गोलरहित बराबरीमा सकिएको निकै प्रतिस्पर्धात्मक खेलमा दोस्रो हाफमा युनाईटेडले १ गोल गरेको थियो । खेलको ७५ औं मिनेटमा क्रिष्टियानो रोनाल्डोले पेनाल्टी मार्फत गोल गर्दै टोलीलाई १-० को जित दिलाए । यद्यपि दुवै टोलीले गोल गर्ने केही सुन्दर अवसर भने खेर फालेका थिए ।

युनाईटेडका गोलकिपर डेभिड डी गियाले नर्विचका दुई राम्रा प्रहार बचाएका थिए । जितसँगै युनाईटेड १६ खेलबाट २७ अंक जोड्दै तालिकाको पाँचौ स्थानमा उक्लिएको छ भने १० अंक जोडेको नर्विच तालिकाको पुछारमा रहेको छ ।