आइतबार स्थिर रहेको सुनको मूल्य नेपालमा आज(सोमबार) सुनको मूल्य तोलामा रु १०० ले बढेको छ । स्थानीय बजारमा आज छापावाल सुनको मूल्य प्रतितोला रु ९३ हजार २०० रहेकोमा आइतबार रु ९३ हजार १०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य अनुसार प्रतितोला रु ९२ हजार ७०० रहेकामा आइतबार प्रतितोला रु ९२ हजार ६०० मा कारोबार भएकोे थियो । यसैगरी आज चाँदीको मूल्य भने स्थिर रहँदै आइतबारको मूल्य भन्दा १० रुपैयाँ घट्दै एक हजार २५० कारोबार भएको छ । आइतबार चाँदी प्रतितोला रु एक हजार २६० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ८०९ डलर आसपास कारोबार भइरहेको छ।