बलिउड अभिनेत्री सन्नी लियोनीको हालै रिलिज भएको गीत ‘मधुवन’ लाई लिएर विवाद भएको छ । गीतमा हिन्दू भावनामा चोट पुर्‍याएको आरोप लगाइएको छ ।

तर ‘मधुवन’ विवादका बीच सन्नी लियोनीले आफ्नो अर्को गीत ‘मछली’ रिलिज गरेकी छन् । यो गीतमा सन्नी लियोनीको हट स्टाइल पनि देख्न सकिन्छ । गीतलाई ग्ल्याम एन्जल मिडिया इन्टरटेनमेन्टले निर्माण गरेको हो । गीतमा पवनी पाण्डे र शाहिद माल्याले स्वर दिएका छन् । ‘मछली’ गीतलाई राहीले लेखेका हुन् भने संगीत निर्देशन करण लखन र ओये कुणालको रहेको छ । यो गीत सन्नी लियोनीका फ्यानहरुले निकै रुचाइरहेका छन् ।

‘मधुवन’ गीतलाई लिएर सांसद गृहमन्त्री नरोत्तम मिश्राले सन्नी लियोनलाई यो गीतको लागि माफी माग्न र ३ दिनभित्र गीत फिर्ता लिन चेतावनी दिएका थिए । यदि उनले यसो नगरे उनीमाथि कारबाही गरिने चेतावनी पनि दिएका थिए । त्यसपछि ‘मधुवन’ गीत निर्माण गर्ने सारेगामाले विज्ञप्ति जारी गर्दै मधुवन गीतको नाम र शब्द परिवर्तन गर्न आग्रह गरेको छ । अबको ३ दिनभित्र सबै प्लेटफर्ममा पुरानो गीतको स्थानमा नयाँ गीत आउनेछ ।