श्याम खत्रीको निर्देशनमा निर्माण भएको म्युजिक भिडियो ‘श्वास फेरि’ सार्वजनिक भएको छ । बुधबार काठमाडौंमा आयोजित एक कार्यक्रमका बीच गीत रिलिज गरिएको हो ।

कार्यक्रममा संगीतकार राजु सिंह, निर्देशक माधव खरेल, कलाकार उत्तम केसी, गायिका सारिका घिमिरे लगायतका उपस्थीति रहेको थियो । संचारकर्मी गीता अधिकारीको शब्द रचना रहेको गीतमा योगेश काजीको संगीत, स्वर तथा एरेञ्ज छ ।

सार्वजनिक गीतको भिडियोमा राजन बैश्य, रितिका सापकोटा, मना महर्जन र सीएस साउँदको अभिनय रहेको छ । सुनिता बस्नेतको कोरियोग्राफी रहेको गीतलाई यम बहादुर चौधरीले खिचेका हुन् । गीतका निर्देशक सल्लाहकार राजु गिरी हुन् ।

सौखिन तिमिल्सीनाको सम्पादन र कलर करेक्सन रहेको गीतलाई निर्देशक खत्री स्वयंमले निर्माण गरेका हुन् । गीत रिलिज कार्यक्रममा उपस्थीत अतिथि राजु सिंह र कलाकार उत्तम केसीले सफलताको शुभकामना दिएका थिए । गीतकार गीता अधिकारी निर्देशक राजु गिरी लगायतले गीतको बारेमा बोलेको थिए ।