स्पेनिस ला लिगा फुटबलमा बार्सिलोना विजयी भएको छ । आइतबार राति भएको खेलमा बार्सिलोनाले मालोर्कालाई १-० ले पराजित गरेको हो ।

निकै प्रतिस्पर्धात्मक बनेको खेलमा खेलको ४४ औं मिनेटमा लुक डी योङले गोल गर्दै बार्सिलोनालाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफमा दुवै टोलीले गोल गर्न नसक्दा खेल बार्सिलोनाले १-० ले आफ्नो पक्षमा पर्दै महत्वपूर्ण ३ अंक प्राप्त गर्यो । यद्यपि दोस्रो हाफमा दुवै टोलीले केही गोल गर्ने अवसर खेर फालेका थिए ।

जितसँगै बार्सिलोना १९ खेलमा ३१ अंक जोड्दै तालिकाको पाँचौं स्थानमा उक्लिएको छ भने समान खेलमा २० अंक जोडेको मालोर्का १५ औं स्थानमा रहेको छ । त्यस्तै स्पेनिस ला लिगा फुटबल अन्तर्गत हिजो भएको अर्को खेलमा एट्लेटिको मड्रिडले रायो भालेकानोलाई २-० ले पराजित गरेको छ । एट्लेटिकोलाई जित दिलाउन एन्जल कोरियाले खेलको २८ औं र ५३ औं मिनेटमा गोल गरेका थिए । जितसँगै एट्लेटिको १९ खेलमा ३२ अंक जोड्दै तालिकाको चौंथो स्थानमा उक्लिएको छ भने समान खेलमा ३० अंक जोडेको भालेकानो छैटौं स्थानमा रहेको छ ।