सत्तारूढ गठबन्धनको बैठक प्रधानमन्त्री निवास बालुवाटारमा सुरु भएको छ । पाँच दलीय गठबन्धनको आजको बैठकमा मुख्यगरी एमसीसी अनुमोदन गर्ने विषयमा छलफल हुनेछ।

बैठकमा प्रधानमन्त्री देउवासहित कांग्रेस वरिष्ठ नेता रामचन्द्र पौडेल, नेकपा माओवादी केन्द्रका अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका नेता बाबुराम भट्टराईलगायत गठबन्धनका शीर्ष नेताहरू सहभागी छन् । प्रधानमन्त्री शेरबहादुर देउवा एमसीसी परियोजना तत्कालै संसद्मा टेबुल गर्ने पक्षमा छन् भने माओवादी र एकीकृत समाजवादीले अहिले एमसीसी पेस गर्न नहुने बताउँदै आएका छन् ।

यसअघि, सत्तारुढ दलका प्रमुख तीन माओवादी केन्द्र, नेकपा एकीकृत समाजवादी पार्टी र जनता समाजवादी पार्टी नेपालका शीर्ष नेताबीच छलफल भएको थियो । त्यसैगरी बुधबार बसेको माओवादी केन्द्रको संसदीय दलको बैठक एमसीसीको विपक्षमा उभिने निर्णय गरेको थियो । यस्तै माओवादी केन्द्रले देउवाले एमसीसी जबरजस्ती अघि बढाउन खोजे गठबन्धन तोड्न सक्ने चेतावनी पनि दिएको थियो ।