चलचित्र ‘चिसो एस्ट्रे’को ट्रेलर सार्वजनिक भएको छ । काठमाडौँको कुमारी हलमा आयोजित एक औपचारिक कार्यक्रममा चलचित्रको ट्रेलर सार्वजनिक गरिएको हो ।

चैत ४ गतेबाट रिलिज हुने चलचित्रमा दिव्य देवको शीर्ष भूमिका छ । त्यस्तै फिल्ममा निकुम श्रेष्ठ, नविन लम्साल, सृष्टि श्रेष्ठ, सुशील राज पाण्डे, रोविन तामाङ, कृषा शाही, मोनिका गोले लगायतका कलाकारको समेत अभिनय रहेको छ । दिन्स पाल्पालीको लेखन तथा निर्देशनमा तयार भएको यो चलचित्र लाई प्रविण स्याङ्बो र सीए कलेक्टिभसले निर्माण गरेका हुन् ।

चलचित्रमा उज्जव बस्ताकोटीको छायांकन, अजर जङ्गमको संगीत संयोजन देख्न सकिन्छ । ट्रेलर सार्वजनिक कार्यक्रममा बोल्दै निर्देशक दिन्स पाल्पालीले आफूले भूपि शेरचनको ‘चिसो एस्ट्रे’ शीर्षकको कविताबाट प्रभावित फिल्म तयार गरेको जानकारी गराए । चलचित्र निर्माता महेशबाबु तिमल्सिनाले भने आफूले नेपालमा हेर्न चाहेका सिनेमा बनाउने अभिलाषामा फिल्म निर्माणमा संलग्न भएको बताए ।

चलचित्रका मुख्य अभिनेता दिव्य देवले फिल्म निर्माणका रोचक कथा सुनाउँदै आफूले गाउँबाट सहर आउने मदन नामको चरित्र निर्वाह गरेको जानकारी दिए । त्यस्तै चलचित्रमा सृष्टि श्रेष्ठले शालीनताको चरित्रको निर्वाह गरेकी छिन् । कंगारु क्रिएसन र लोकल सिनेमाको संयुक्त ब्यानरमा निर्मित चलचित्रलाई महेशबाबु तिमल्सिनाले प्रस्तुत गरेका हुन् । निर्माणमा भने महेशबाबुलाई प्रवीण स्याङ्बा र सुष्मिता पराजुलीले सघाएका छन् । यस्तै चलचित्रको सहनिर्मातामा रुपेश ढुंगाना, नवीन ढुंगाना र सुजन खतिवडा रहेका छन् । उज्जल बस्ताकोटीको छायांकन रहेको चलचित्रमा उज्ज्वल ढकालले सम्पादन र प्रशान्त रसाइलीले क्रिएटिभ हेडको जिम्मेवारी निर्वाह गरेका छन्।

ट्रेलर :