एभरेष्ट नेपाल कल्चरल ग्रुपको आयोजनामा फाल्गुण २१ र २२ गते (शनिबार र आइतबार) ११औं अन्तर्राष्ट्रिय लोक साँस्कृतिक कार्यक्रम हुँदैछ । कोरोनाका कारण यस वर्ष भर्चुअल माध्यमबाट अन्तर्राष्ट्रिय लोक साँस्कृतिक मेला आयोजना हुने र त्यसका लागि सम्पूर्ण तयारी पूरा भएको एभरेष्ट नेपाल कल्चरल ग्रुपका अध्यक्ष आरसी कोइरालाले जानकारी दिए ।

‘पर्यटक कलाकारको स्वागत सत्कार, नेपाली लोक संस्कृतिको आधार’ मूल नारासहित २०५९ देखि आरम्भ भएको लोक साँस्कृतिक मेलामा यस पटक नेपालसहित ३० भन्दा बढी देशहरू सहभागी हुने ग्रुपकी निर्देशक सीतल आचार्यले जानकारी गराइन् ।

विगत लामो समयदेखि लोक सँस्कृतिको जोगर्नामा लागेको एभरेष्ट नेपाल कल्चरल ग्रुपले नेपालको लोक नृत्यलाई संसारका कुना कुनासम्म मात्र पुर्याएको छैन, संसारभरिका फरक फरक मौलिक लोक सँस्कृति र परम्परा बोकेका लोक नृत्यलाई प्रत्येक दुई वर्षमा नेपाल भित्र्याएर आफ्नै घर आँगनमा बसेर संसारलाई नियाल्न पाउने सौभाग्य पनि जुटाइदिएको छ ।

भिडियो –