बलिउड अभिनेता जोन अब्राहमको फिल्म ‘अट्याक’ घोषणा भएदेखि नै चर्चामा छ । यो फिल्ममा जोन धुवाँदार एक्शनमा देखिएका छन् । फिल्म ‘अट्याक’को पहिलो भाग अप्रिल १ मा रिलिज हुँदैछ ।

फिल्मको नयाँ पोस्टर सार्वजनिक भएको छ । त्यस्तै फिल्मको ट्रेलर रिलिज मिति पनि घोषणा गरिएको छ । जोन अब्राहमले आफ्नो इन्स्टाग्राम अकाउन्टमा फिल्मको नयाँ पोस्टर शेयर गरेका छन् । पोस्टरमा जोन अब्राहम बाइकमा एक्शन अवतारमा देखिएका छन् । यो पोस्टर सेयर गर्दै जोनले क्याप्सनमा लेखेका छन्, ‘अट्याक १ अप्रिल २०२२ मा सिनेमाघरमा रिलिज हुँदैछ’। यो फिल्ममा जोन अब्राहमसँगै रकुल प्रीत सिंह र ज्याकलिन फर्नान्डिज पनि महत्वपूर्ण भूमिकामा देखिनेछन् ।

फिल्म ‘अट्याक ’ बारे जानकारी दिँदै निर्माण पक्षले अबको ३ दिनमा फिल्मको ट्रेलर रिलिज गरिने बताएको छ । यो फिल्ममा जोन अब्राहम सुपर सोल्जरको भूमिकामा देखिनेछन् । फिल्मलाई लक्ष्य राज आनन्दले निर्देशन गरेका हुन् ।