नवकान्तिपुर संवाददाता
काठमाडौं, २२ फागुन ।
पछिल्लो चौबीस घण्टामा नेपालमा ९१ जनामा कोरोना भाइरसको संक्रमण पुष्टि भएको छ भने २ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ४ हजार ९२९ जनाको नमूना परीक्षण गरिएको थियो । जसमा ३ हजार १३५ जनाको पीसीआर परीक्षण गर्दा ५४ जना र एक हजार ७९४ जनाको एन्टिजेन परीक्षण गर्दा १४ जनामा कोरोना पुष्टि भएको हो ।
त्यस्तै, चौबीस घण्टामा कोरोनाका कारण २ जनाको पनि मृत्यु भएको छैन । नेपालमा हाल मृत्यु हुनेको संख्या ११ हजार ९४७ पुगेको मन्त्रालयले जनाएको छ । यस्तै आज ५३८ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ५९ हजार ९३ जना पुगेको छ ।
नेपालमा हाल सक्रिय संक्रमितको संख्या ६ हजार ४६१ रहेको छ । जसमा ६ हजार ३३८ जना होम आइसोलेसनमा छन् भने १२३ जना संस्थागत आइसोलेसनमा रहेका छन् । यस्तै ४७ संक्रमित आईसीयूमा र ९ जना भेन्टिलेटरमा उपचाररत् छन् । यससँगै देशभर कोरोना संक्रमितको कुल संख्या पीसीआर विधिबाट ९ लाख ७७ हजार ५०१ र एन्टिजेन विधिबाट १ लाख ३९ हजार ५४५ जना पुगेको छ ।
