बलिउड अभिनेता टाइगर श्राफले सन् २०१४ मा फिल्म ‘हिरोपन्ती’ बाट बलिउडमा डेब्यु गरेका थिए । अब उनी यही फिल्म ‘हिरोपन्ती २’ को सिक्वेलमा देखिने भएका छन् । यसअघि फिल्मका कलाकार टाइगर श्राफ, तारा सुतारिया र नवाजुद्दीन सिद्दिकीको फर्स्ट लुक पोस्टर सार्वजनिक गरिएको थियो ।

फर्स्ट लुक सार्वजनिक भएपछि ‘हिरोपन्ती २’ को ट्रेलर पनि सार्वजनिक गरिएकोछ । ट्रेलरमा टाइगर श्राफ धमाकेदार एक्शन गरिरहेको देख्न सकिन्छ । फिल्ममा उनको पात्रको नाम बब्लु हो । त्यस्तै, नवाजुद्दीन सिद्दीकी भिलेनको भूमिकामा देखिएका छन् । उनको पात्रको नाम लैला हो।

फिल्ममा नवाजुद्दीन जादुगरको भूमिकामा छन् । उनी साइबर क्राइम संसारका जादुगर हुन् । यसै क्रममा टाइगर श्राफ लैलालाई समात्ने अभियानमा लागेका छन् । फिल्ममा तारा सुतारियाले हटनेस थपेकी छिन् । ताराको पात्रको नाम इनाया हो । अहमद खानले निर्देशन गरेको फिल्मलाई साजिद नाडियाडवालाले निर्माण गरेका हुन् । हिरोपन्ति २ इदको विशेष अवसरमा २९ अप्रिल २०२२ मा हलमा रिलिज हुँदैछ ।

ट्रेलर