बलिउड अभिनेता जोन अब्राहमको फिल्म ‘अट्याक पार्ट १’ लामो समयदेखि चर्चामा छ । फ्यानहरु यो फिल्मको उत्सुकताका साथ पर्खिरहेका छन् । हालै फिल्मको धमाकेदार ट्रेलर सार्वजनिक भएको छ । योसँगै एक्शन प्याक ‘अट्याक पार्ट १’ को दोस्रो ट्रेलर सार्वजनिक भएको हो ।

२ मिनेट ३४ सेकेन्डको यो ट्रेलरमा जोन आर्टिफिसियल इन्टेलिजेन्सको सहयोगमा सुपर सिपाहीको पोशाकमा छन् । उनी आतंकवादीसँग लडिरहेको देखिन्छ । यो फिल्म मार्फत देशले जोनको रुपमा नयाँ देसी योद्धा पाउन लागेको छ । फिल्ममा जोनको लुकलाई फ्यानहरुले निकै रुचाएका छन् । फिल्ममा जोन अब्राहमका अलावा अभिनेत्री ज्याकलिन फर्नान्डिज र रकुल प्रीत सिंह पनि मुख्य भूमिकामा देखिनेछन् । लक्ष्य राज आनन्दले निर्देशन गरेको फिल्मलाई सुमित बठेजा र विशाल कपुरले लेखेका हुन् ।

यसअघि यो फिल्म २८ जनवरीमा रिलिज हुने तय भएपनि केही कारणले यसको मिति अगाडि सारिएको थियो । अब ‘अट्याक’ १ अप्रिल २०२२ मा थिएटरमा रिलिज हुँदैछ ।

ट्रेलर –