नेपालमा आज (बुधबार) सुनको मूल्य ४०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु ९८ हजार ८०० रुपैयाँ रहेकोमा मंगलबार रु ९९ हजार २०० रुपैयाँमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९८ हजार ३०० रहेकामा मंगलबार  प्रतितोला रु ९८ हजार ७०० मा कारोबार भएकोे थियो । यसैगरी आज चाँदीको मूल्य मंगलबारको भन्दा १० रुपैयाँ घट्दै एक हजार ३६० मा कारोबार भएको छ । मंगलबार चाँदी प्रतितोला रु एक हजार ३७० मा कारोबार भएको थियो ।

सुनको मूल्य गत फागुन २३ गते १ लाख ५ हजार ५०० रुपैयाँ पुग्दै कीर्तिमान बनाएको थियो । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ ।