लामो समयदेखि फिल्मबाट टाढा रहेका बलिउडका दिग्गज अभिनेता नाना पाटेकर फेरि फिल्ममा कमब्याक गर्न लागेका छन् । सामाजिक थ्रिलर फिल्म ‘द कन्फेशन’ मा नाना पाटेकर मुख्य भूमिकामा देखिनेछन् । यो फिल्मको टिजर सार्वजनिक भएको छ ।

टिजरमा नाना पाटेकरको आवाज सुनिएको छ । उनी भन्छन्, ‘सत्यको अनुहार देखेको छु, सत्यको आवाज पनि सुनेको छु, सत्य थाहा पाएर पनि मान्दिनँ । यसका लागि म आफ्नो ज्यान दिन तयार छु । टिजरको अन्त्यमा नाना पाटेकरको अनुहार देखिन्छ । नाना पाटेकरको सामाजिक थ्रिलर फिल्म ‘द कन्फेशन’ अनन्त नारायण महादेवनले निर्देशन गर्नेछन् । योसँगै फिल्मको निर्माण नरेन्द्र हिरावत, प्रवीण शाह, सगुन बाग, अजय कपुर र सुभाष कालेले गरेका छन् ।

नाना पाटेकर अन्तिम पटक सन् २०१८ मा रजनीकान्तको फिल्म ‘काला’ मा देखिएका थिए । यो फिल्ममा उनले भिलेनको भूमिका निर्वाह गरेका थिए । नाना पाटेकरले सन् २०१९ मा ‘हाउसफुल ४’ को सुटिङ पनि सुरु गरेका थिए तर यौन उत्पीडनको आरोप लागेपछि उनले फिल्म छाडेका थिए ।

टिजर –