‘केजीएफ च्याप्टर-२’ फिल्मको अग्रिम बुकिङ निकै राम्रो भएको र पहिलो दिन फिल्मले कीर्तिमानी कलेक्सन गर्ने अपेक्षा गरिएको छ । फिल्मको हिन्दी संस्करणको कुरा गर्दा करिब २८ करोड भारुको टिकट बिक्री भइसकेको छ र यो संख्या लगातार बढिरहेको छ ।

फिल्मको क्रेजलाई ध्यानमा राख्दै ‘केजीएफ च्याप्टर-२’ को शो धेरै सहरमा बिहान ६ बजेदेखि सुरु हुनेछ । फिल्मको कन्नड संस्करणले करिब १०.५० करोड, मलयालम संस्करणको ३.२० करोड, तेलुगु संस्करणको ८.२० करोड र तमिल संस्करणको ४.३० करोडको टिकट बिक्री गरेको छ ।

कुल ग्रस अग्रिम बुकिङ रु ५४.२० करोडमा भएको छ र यो संख्या बढ्दै गएको छ । फिल्मको अग्रिम बुकिङ मल्टिप्लेक्समा मात्र असुरु भएको छ । सिंगल स्क्रिनमा जुन दिन फिल्म रिलिज हुन्छ, त्यही दिन टिकट बिक्री हुनेछ । यसलाई हेर्दा पहिलो दिन बक्स अफिस कलेक्शन बलियो हुने अनुमान गर्न सकिन्छ । अग्रिम बुकिङको रेकर्ड हेर्ने हो भने ‘बाहुबली २’ को अग्रिम बुकिङमा धेरै टिकट बिक्री भएको थियो ।